سجينة قصيدة..،،

//

سْكْنتْ قلبي حروفواْ

وعشقتوا وخا ماراتواْ

أصبح هو هوايا

بخيالُواْ أنْعيشْ أياميْ

الى فرحْ تفرحْ أحلاميْ

والى نزفت حروفي تبكيْ

تْبْكيْ قلبيْ..

 والدموعْ مآ تفارق نآييْ

..

قولوليْ كيفاش القلب يبغيهْ؟؟

واش لحروف مركبْ فْبْحورْ لهوى

يجمع بينْ لقلوب بنغمه..

مآ هم يكون قريب ولا غريب

القْصِيْدْ يخاطب ولقلوب يْصِيْبْ

وقلبي عاشق غآرق بقصيد لغريب

واش لمحبة بين السطور تتبنى؟

واش الروح تغرق فبحور الكلمة
..

أيآ عآشقين لكلم قولولي..

واش ألعشقيْ دوا فيدونيْ

بحب مالك الكلمة قلبي اتبلا

وعقلي هــآم فيه بلا حكمة

بالله قولولي...

 واش العشق نور ولا عتمة

باش القلب والعقل اتبلا

حرت فأمري وضاعت مني الخطوة

فبحور لكلام تايهة فلمعنى

..

عــآشقة والمعشــوق غريب

اسم مستعار مــآ ليه طريــق

هوية بلخيال وحقيقتها فعلم الغِيْبْ..

والقلب مسجون قصيدة..//

..

وكيف الي يعشق وهم بناه بخيالواْ؟

سماه لحبيب وصاحبوا فيامواْ

قالوا عليه هبيل ..

وهو عايش فحلامواْ

لا تلموه الى قسات ايامواْ..

وعـآش فْحبْ زرعوا بخيالواْ

الفرحة ماطرقت بابوا..؟

 وبناهآ بأمــآلوآْ

عــآش الفرحة

وخا غير بوهاموآْ

//